असार १५ गते शुक्रबार, नेपालगन्ज ।
बाँकेको खजुरामा २० ओैं धान दिवस तथा रोपाइ महोत्सव सम्पन्न ।

खजुरा गाउँपालिकाले आज २०औं धान दिवस तथा रोपाई महोत्सव मनाइएको छ । “जलवायु अनुकुल कृषि मैत्री प्रविधि, धान उत्पादनमा वृद्धि´´ भन्ने नाराका साथ खजुरा गाउँपालिका अध्यक्ष डम्बर बहादुर बिक तुफानको प्रमुख आतिथ्यमा खजुरा गाउँपालिका वडा न.३ मनकामनामा धान दिवस तथा रोपाई महोत्सव मनाइएको हो ।
खजुरा गाउँपालिकाको कृषि शाखाले आयोजना गरेको धान दिवस तथा रोपाई महोत्सवमा पालिका अध्यक्ष डम्बर बहादुर बिक (तुफान), उपाध्यक्ष मन्जु मल्ल , कृषि शाखाका प्रमुख पुनम पौडेल, लेखा अधिकृत प्रदिप सुनार, वडा अध्यक्षहरु र खजुराका कृषकहरु लगायतको सहभागीतामा २०औं धान दिवस तथा रोपाई महोत्सव भएको थियो ।
नेपाल कृषि प्रधान देश भएको र नेपाली कृषिमा आत्मनिर्भर रहेकोले पालिकाले कृषि क्षेत्रलाई प्राथमिकता दिदै २०८०/०८१ को बजेटमा खजुरा कृषकका लागि १ करोड १२ लाख रुपैयाँ बजेट बिनियोजन गरी ब्यवस्था गरेको र कृषिको बिकास र बजारीकरणको लागी गाउँपालिका सधै कृषकको साथमा रहेको अध्यक्षले बताएकाका छन ।
