चैत १२ मा नवनिर्वाचित सांसदको शपथ , दुई घण्टा अघि उपस्थित हुनुपर्ने

संघीय संसद् सचिवालयले प्रतिनिधि सभाका नवनिर्वाचित सदस्यहरूको शपथ चैत १२ गते हुने सूचना सार्वजनिक गरेको छ।

शपथ कार्यक्रम सिंहदरबारस्थित निर्माणाधीन संघीय संसद् भवनको बहुउद्देश्यीय सभाकक्षमा दिउँसो २ बजे हुनेछ, जसका लागि सांसदहरूलाई दुई घण्टा अगाडि नै उपस्थित हुन भनिएको छ। संविधान र सम्बन्धित कानुनअनुसार सांसदहरूले निर्वाचन आयोगबाट प्राप्त प्रमाणपत्रसहित उपस्थित हुनुपर्ने व्यवस्था गरिएको छ।