चितवन : पहिरोले अवरुद्ध नारायणघाट मुग्लिन सडक सञ्चालनमा आएको छ।
अविरल वर्षाका कारण आएको पहिरोले आठ घण्टाअघि सडक अवरुद्ध भएको थियो।
बिहान ६ बजे खसेको पहिरो दिउँसो साढे दुई बजे हटाइएको हो। दुईवटा डोजरले लगातार पहिरो पन्छाएका थिए। भरतपुर महानगरपालिका-२९ मा रहेको केराबारीमा बिहान ६ बजे लेदोसहितको पहिरो खसेको हो।
पहिरो हटाएपनि सवारी जाम भएको छ। त्यस्तै उक्त सडक खण्डको १८ किलो र ५ किलोमा खसेको पहिरो भने पहिलै हटाइएको थियो। पहिरोले सडक अवरुद्ध हुँदा गाडी र यात्रु अलपत्र परेका थिए। यो खबर अन्नपूर्ण मा छ ।
