नेपालका कुन-कुन ठाउँमा छन्, विद्युत प्राधिकरणले सञ्चालनमा ल्याएका फास्ट चार्जिङ स्टेसन ?

काठमाडौं । नेपाल विद्युत प्राधिकरणले देशका विभिन्न ठाउँमा चार्जिङ स्टेसन सञ्चालनमा ल्याएको छ । बुधवार राजधानीमा एक कार्यक्रम आयोजना गर्दै प्राधिकरणले निर्माण सम्पन्न भएका ५१ ओटा चार्जिङ स्टेसन सञ्चालनमा ल्याएको जानकारी दिएकाे हो ।

प्राधिकरणको लगानी र एसियाली विकास बैंकको सहुलियतपूर्ण ऋण तथा नर्वे सरकारको प्राविधिक सहयोगमा विद्युतीय सवारी चार्जिङ पूर्वाधार विकास आयोजना अन्तर्गत सात प्रदेशका मुख्य राजमार्ग, बसपार्क र ठूला सहरहरूमा निर्माण गरिएका फास्ट चार्जिङ स्टेसन सञ्चालनमा आएका हुन् ।

करिब ४० करोड रुपैयाँ लागतमा निर्माण गरिएका चार्जिङ स्टेसनमध्ये २६ ओटामा ठूला बस, माइक्रो, ट्रक, पिकअप तथा कार र २५ वटामा साना-ठूला कारहरू चार्ज गर्न मिल्ने प्राधिकरणले बताएको छ ।

हरेक चार्जिङ स्टेसनमा १४२ किलोवाट क्षमताको चार्जर, त्यसमा विद्युत आपूर्तिका लागि ५० केभीएको ट्रान्सफर्मर, अनलाइन बिलिङ प्रणालीको जडान गरिएको छ । चार्जिङ स्टेसनमा छिटो चार्ज गर्न मिल्ने ६०/६० किलोवाटका डिसी र २२ किलोवाटका एसी चार्जरहरू राखिएका छन् । यसबाट ठूला बससहित तीन ओटा सवारी साधनले एक साथ चार्ज गर्न सकिने छ ।

चार्जिङ स्टेसन निर्माण आपूर्ति, जडान, परीक्षण, सञ्चालन र मर्मत सम्भारका लागि वाङवाङ डिजिटल इनर्जी कर्पोरेसन लिमिटेड जियाङ्सु, चीनसँग ३७ करोड ७९ लाख ५५ हजार रुपैयाँमा (करबाहेक) ठेक्का सम्झौता भएको थियो ।

कहाँ-कहाँ छन् थपिएका चार्जिङ स्टेसन ?

क्र.स	स्थान	जिल्ला	सङ्ख्या
१	धार्के	धादिङ	२
२	मुग्लिङ	चितवन	१
३	साझा सेवाबल्खु	काठमाडौं	२
४	नेपाल विद्युत प्राधिकरण, रत्नपार्क	काठमाडौं	१
५	नेपाल पुलिस क्लब भृकृटीमण्डप	काठमाडौं	१
६	पारस बसपार्क	चितवन	२
७	खुर्कोट	सिन्धुली	२
८	सिन्धुली बसपार्क	सिन्धुली	१
९	इलाका प्रहरी कार्यालय बर्दिबास	महोत्तरी	२
१०	साझा सेवापुल्चोक	ललितपुर	१
११	हरिवन	सर्लाही	२
१२	इनरुवा बसपार्क	सुनसरी	१
१३	प्रहरी पेट्रोल पम्प, लाहान	सिराहा	२
१४	कालिका फ्युल सेन्टर, मालेपाटन, पोखरा	कास्की	२
१५	पर्यटक बसपार्क पोखरा	कास्की	१
१६	दमक बसपार्क	झापा	२
१७	बेलका नगरपालिका	उदयपुर	२
१८	बिर्तामोड बसपार्क	झापा	२
१९	सुर्खेत बसपार्क	सुर्खेत	२
२०	हेटौडा, रातमाटे	मकवानपुर	२
२१	विद्युत प्राधिकरण तालिम केन्द्र खरिपाटी	भक्तपुर	१
२२	प्रहरी पेट्रलपम्प, सामाखुसी	काठमाडौं	२
२३	बेगनास ताल, पोखरा	कास्की	१
२४	बुटवल बसपार्क	रुपन्देही	२
२५	इटहरी	सुनसरी	१
२६	विराटनगर	मोरङ	१
२७	कोहलपुर नयाँबसपार्क	बाँके	२
२८	धनगढी	कैलाली	२
२९	त्रिशूलीहावा घर	नुवाकोट	१
३०	बट्टार, त्रिशूली	नुवाकोट	१
३१	कुश्मा	पर्वत	१
३२	लमही बसपार्क	दाङ	२
३३	लम्की	कैलाली	१
		जम्मा	५३