काठमाडौँ । राष्ट्रिय प्रजातन्त्र पार्टीका महामन्त्री एवम् बाके क्षेत्र न. २ का सांसद डा. धवलशमशेर राणाले लोकतान्त्रिक गणतन्त्रात्मक व्यवस्था पूर्ण रूपमा असफल भइसकेकाले सनातन हिन्दु राज्यमा मुलुकलाई फकाउनुपर्ने बताएका छन् । प्रतिनिधिसभाको शून्य समयमा बोल्दै सांसद राणाले अहिले आम नागरिकले सनातन हिन्दु राज्य चाहेको बताए ।
उनले भने– ‘देशमा परिवर्तनको हावा चलिसक्यो । देश पूर्णरुपमा असफल भइसक्यो । देशमा जनताले सनातन हिन्दु राज्य चाहेका छन् । त्यसैतर्फ जाउँ । असफल भएको गणतन्त्र हटाउँ ।’
पछिल्लो समयमा धेरै नागरिकहरु यो व्यवस्था र नेताहरु बाट असन्तुष्ट देखिन्छ । जस्का कारण राजा लाई विकल्पको रुप मा हेर्न थालिएको छ ।
