काठमाडौं । को-पाइलटको स्वास्थ्यमा समस्या हुँदा काठमाडौं–दुबई–काठमाडौं उड्ने नेपाल एयरलाइन्सको वाइडबडी जहाजको उडान रोकिएको छ ।
उक्त उडान रोकिँदा दोहोरो उडानका गरि ५४३ भन्दा बढी यात्रुहरु अलपत्र परेका छन् ।
निगमका अनुसार शनिबार राति १२ बजे उडान नम्बर– आरए२२९ मार्फत उड्न बोर्डिङपास लिइसकेका २ सय ६६ यात्रु थिए । तर उडान भर्नुअघि जहाजका को–पाइलटलाई पखाला लागेपछि उडान रद्द भएको हो ।
उक्त विमानका लागि क्याप्टेन योगेश हिराचन र को–पाइलट गोपालसिंह विष्टको तालिका थियो । तर को पाइलट विष्टलाई बेस्सरी पखाला लागेको कारण उनी उडान भर्न समर्थ रहेको बुझिएको छ ।
उनले जहाजमा उपलब्ध हुने खानाले ‘फुड प्वाइजन’का कारण पखाला लागेपछि ‘सिक रिपोर्ट’ दिएका थिए ।
अहिले ती यात्रुहरु सिनामंगल, गौशाला, ज्ञानेश्वरका होटलहरुमा राखिएको जनाइएको छ ।
यो अवस्थामा निमगले अर्को को पाइलटको व्यवस्था गर्नुपर्ने हो । तर निगमले आफ्नो व्यवस्थापनमा कमजोरी गरेको भन्दै यात्रुहरु आक्रोशित बनेका छन् ।
सोही समस्याका कारण दुबईबाट आइतबार बिहान ४ बजे काठमाडौंका लागि तय भएको यसै विमानको उडान पनि प्रभावित भएको छ ।
निगमले अन्य पाइलटहरुलाई पहल गर्दा पनि कोही अन्य ड्युटिमा रहेको र कोही मदिरा पिइसकेको भनिएपछि उडान रोक्न बाध्य भएको जवाफ प्राप्त भएको बताइएको छ
