नेपालगन्ज । बाँके क्षेत्र नं. २ प्रतिनिधि सभा सदस्य पदका उम्मेदवार दिपेन्द्र बिष्ट प्रति यहाँका वडा बासीले खुला समर्थन जनाउँदै तारा चुनाव चिन्हमै मतदान गर्ने प्रतिबद्धता व्यक्त गरेका छन्। घरदैलो भेटघाटदेखि चोक–चौतारीसम्म, सोमबार नेपालगन्ज–८ को माहोल पूर्ण रूपमा तारामय देखिएको छ।
घर–घरमा पुगेर जनताको पीडा सुन्ने, समस्या बुझ्ने र समाधानका स्पष्ट बाटो देखाउने बिष्टको शैलीले स्थानीयको मन जितेको वडाबासी बताउँछन्। वर्षौंदेखि थन्किएका सडक, खानेपानी, रोजगारी र युवाको भविष्यसँग जोडिएका सवालमा बिष्टले राखेको स्पष्ट दृष्टिकोणले आफूहरूमा आशा पलाएको स्थानीयको भनाइ छ। “हामीलाई भाषण होइन, काम गर्ने प्रतिनिधि चाहिएको हो,” एक स्थानीय वृद्धाले भावुक हुँदै भनिन्, “बिष्टको बोलीमा इमान्दारिता छ, त्यसैले तारा नै रोज्यौं।”युवाहरूमा त झन् उत्साह झल्किन्छ। रोजगारी, सीप विकास र खेलकुद पूर्वाधारका विषयमा बिष्टले अघि सारेका योजनाले आफूहरूको भविष्य यहीँ सुरक्षित हुने विश्वास जागेको उनीहरूको प्रतिक्रिया छ। महिलाहरूले शिक्षा र स्वास्थ्य सेवामा पहुँच विस्तारको अपेक्षा व्यक्त गर्दै, प्रत्यक्ष संवादको संस्कार बसाल्ने उम्मेदवारको खोजी पूरा भएको अनुभूति सुनाए।
राजनीतिक विश्लेषकहरूका अनुसार, नेपालगन्ज–८ मा देखिएको यो एकजुट समर्थन आकस्मिक होइन। निरन्तर संवाद, व्यवहारिक प्रतिबद्धता र जनताको सम्मान गर्ने राजनीतिक संस्कृतिले बिष्टप्रति भरोसा बढाएको उनीहरूको निष्कर्ष छ। यही कारण, वडाभरि “तारामै भोट” भन्ने आवाज एकसाथ उठिरहेको छ।यसरी, नेपालगन्ज–८ मा देखिएको उत्साह र समर्थनले चुनावलाई केवल प्रतिस्पर्धा मात्र नभई भरोसा र अपेक्षाको आन्दोलनमा रूपान्तरण गरिदिएको छ। वडाबासीका आँखामा एउटै सन्देश स्पष्ट छ—यसपटक मतदान तारा मै, भविष्यका लागि परिवर्तनको पक्षमा।
बाँके फागुन ४ गते ।
बाँके क्षेत्र नं. २ मा जनता समाजवादी पार्टी नेपाल (जसपा)का प्रतिनिधिसभा सदस्य पदका प्रत्यक्षतर्फका उम्मेदवार कमरुद्दिन राई अहिले घरदैलो अभियानमा व्यस्त छन्।
निर्वाचन आयोगले औपचारिक रूपमा प्रचार–प्रसारको समय आजदेखि खुला गरेसँगै राईले आफ्नो अभियानलाई थप तीव्र बनाएका हुन्। बिहानैदेखि साँझसम्म उनी मतदाताका घरआँगन पुग्दै आफ्ना एजेन्डा राखिरहेका छन्, स्थानीयका गुनासा सुन्दैछन् र परिवर्तनको सन्देश फैलाइरहेका छन्। सोमबार उनले नेपालगन्ज र डुडुवा गाउँपालिका—६ कालाबंजर हिरमिनियामा व्यापक घरदैलो अभियान सञ्चालन गरे ।
टोल–टोलमा पुगेका राईलाई स्थानीयले स्वागत गरेका थिए । वृद्धवृद्धादेखि युवासम्मको सहभागिताले चुनावी माहोललाई थप उत्साहपूर्ण बनाएको देखिन्थ्यो। घरदैलोका क्रममा राईले मधेशका मुद्दालाई संसदमा सशक्त रूपमा उठाउने प्रतिबद्धता व्यक्त गरे। “यो निर्वाचन केवल प्रतिनिधि छान्ने प्रक्रिया मात्र होइन, यो मधेशको आवाजलाई केन्द्रसम्म पु¥याउने अवसर पनि हो,” उनले मतदातासँग भने, “हामीले दशकौँदेखि भोग्दै आएका विभेद, पहिचान र अधिकारका प्रश्नलाई अब संसदमा स्पष्ट रूपमा उठाउनै पर्छ।” उनले सामाजिक न्याय, समावेशी विकास, शिक्षा र स्वास्थ्यको पहुँच विस्तार, तथा स्थानीय पूर्वाधार निर्माणलाई आफ्नो प्राथमिकता बनाएको बताए। “जनताको दैनिकीसँग प्रत्यक्ष जोडिएका विकास निर्माणका कामलाई अब ढिलाइ नगरी अगाडि बढाउनु आवश्यक छ,” राईले जोड दिए।
घरदैलोका क्रममा स्थानीयवासीहरूले पनि आफ्ना समस्या खुलेर राखे। कतिपयले सडक, खानेपानी र सिँचाइको अभावबारे गुनासो गरे भने कतिपयले रोजगारी र शिक्षा–स्वास्थ्यको अवस्था सुधार गर्न आग्रह गरे। राई नेपालगन्ज उपमहानगरपालिकाको नगर उपप्रमुखबाट राजिनामा दिएर संघीय संसदका लागि चुनावी प्रतिस्पर्धामा होम्मिएका हुन् ।
